Meðal nýjunga sem Navis kynnir á Íslensku sjávarútvegssýningunni að þessu sinni er tveggja skrúfu togari, skrokkhönnun sem nýtir orkuna betur, leiðir til að létta meðferð kara í lestum ísfiskskipa og endurbætt hönnun við línuveiðar. Allt eru þetta dæmi um lausnir sem starfsmenn Navis hafa verið að vinna að undanfarin misseri samhliða margvíslegum verkefnum fyrir erlendar útgerðir og skipasmíðastöðvar.

Nú standa yfir endurbætur á Beta I í Las Palmas, Kanaríeyjum.  Verið er að endurnýja aðra aðra ljósavélina og ýmis viðhaldsvinna er unnin samtímis. ´

Nú er að ljúka breytingum á suður kóreanska togaranum M/V Adventure.  Starfsmaður Navis, Hermann Haraldsson, skipatæknifræðingur er nýkominn heim eftir að hafa dvalið í Höfðaborg frá því í byrjun júli, þar sem hann hefur haft með höndum teiknivinnu vegna breytinganna og eftirlit með framkvæmdum. 

Nú standa yfir breytingar á toaranum Blue Wave sem er í eigu fyrirtækisins Blue Wave Ltd.  Breytingarnar fara fram á Las Palmas og felast í því að endurnýja ljósavélar, auka frystigeta skipsins og ýmsar aðrar endurbætur á skipinu.

Um miðjan júní fékk Navis heimsókn japanskra útgerðarmanna sem misst höfðu skip sitt í hamförunum í Japan 11. mars s.l.  Í för með útgerðarmönnunum var framkvæmdastjóri „Japan Overseas Fishing Association“ (Samtaka Japanskra úthafsútgerðamanna).  Útgerðin gerði út 60 m skuttogara og lá hann í höfn á norðausturströnd  Hunshu eyjar þegar ósköpin dundu yfir.  Ekkert er vitað um afdrif skipsins sem slitnaði frá bryggju og hvarf. 

Suður Kóreanska útgerðin, sem Navis vann fyrir að breytingum á M/V Maestro fyrr á árinu, hefur keypt annan togara.  Um er að ræða 98 m langan rússnenskan togara, sem byggður var 1982.  Togarinn, sem hét „Koralas“, hefur hlotið nafnið „Adventure“.  

Frá því var sagt í gær á mbl.is að fyrstu kajakgrindurnar sem smíðaðar eru í Hnífsdal verða sendar til útlanda í lok janúar eða byrjun febrúar. Þetta er í fyrsta skipti sem kajakar eru smíðaðir á Íslandi, sérstaklega til útflutnings. Tveir menn vinna við smíðina og ef salan verður eins góð og vonir standa til fjölgar þeim í fjóra.

Í tengslum við verkefni Navis í Kína fólu kínverskir viðskiptavinir Navis að vinna skýrslu um vinnslu og veiðar ljósátu (krilli)í Suður-Íshafinu. Agnar Erlingsson skipaverkfræðingur hjá Navis vann skýrsluna.

Navis er meðal íslenskra fyrirtækja sem taka þátt í sjávarútvegssýningunni China Fisheries and Seafood Expo sem stendur dagana 2.-4. nóvember í Dalían í Kína. Þetta er í 15. sinn sem sýningin er haldin en hún er ein stærsta sýning sinnar tegundar í Asíu og hefur farið stækkandi á undanförnum árum.

Undanfarna mánuði hefur Karl Lúðvíksson skipaverkfræðingur hjá Navis aðstoðað Grænlensk-íslenska fyrirtækið Greenland kayaks við hönnun á Grænlenskaum kajak sem fyrirtækið hyggst smíða á verkstæði sínu á Ísafirði.  Karl hefur tölvuunnið þrívíddarmódel af grind kajaksins og gert nauðsynlega styrktar- og stöðugleikaútreikninga fyrir hann.